Santurtzi Itsasoa Museoa

Santurtziko itsas historiako eraikinik esanguratsuena da, Arrantzaleen Kofradia, bere aspaldiko distira guztia berreskuratu duena. ‘Santurtzi Itsasoa’ Interpretazio Zentroaren tematikak Santurtziren eta itsasoaren arteko loturari dagozkion alderdi guztiak erakusten ditu: lanbide-lotura, gizarte-lotura (ez da ahaztu behar itsas ondarearen zati handi bat pertsonei dagokiela), lotura kulturala eta ludikoa. Zentro honek publiko orori zuzendutako hainbat jarduera antolatzen ditu: bisitaldi gidatu antzeztuak, komentatutako dastatzeak, enkanteak, itsas tailerrak…